پاکستان ویمن اور سری لنکا ویمن کے درمیان ون ڈے سیریز کے پہلے میچ میں پاکستان نے سری لنکا کو باآسانی 8 وکٹوں سے شکست دے دی ہے۔
تفصیلات کے مطابق کراچی میں کھیلے گئے پہلے میچ میں سری لنکا نے ٹاس جیت کر پہلے بیٹنگ کا فیصلہ کیا۔
سری لنکن ویمن ٹیم پاکستان کو زیادہ ہدف نے دے سکی اور پوری ٹیم 48 ویں اوور میں 169 رنز بناکر آل آؤٹ ہوگئی۔
سری لنکا کی جانب سے کویشا دلہاری 49 رنز بنا کر ناقابل شکست رہیں،پراسادانی ویراکوڈے 30،ہسینی پریرا 4 جبکہ کپتان چماری اتھاپاتھو نے 25 رنز بنائے۔
پاکستان ویمن کی جانب سے غلام فاطمہ نے شاندار بولنگ کا مظاہرہ کرتے ہوئے 4 کھلاڑیوں کو پویلین کی راہ دکھائی جبکہ فاطمہ ثناء اور سعدیہ اقبال نے 2،2 وکٹیں حاصل کیں۔
Advertisement
سری لنکا کی جانب سے دیا گیا ہدف پاکستان نے 42 ویں اوور میں باآسانی 2 وکٹوں کے نقصان پر حاصل کرلیا۔
پاکستان کی جانب سے سدرہ امین نے 76 رنز کی شاندار اننگ کھیلی،منیبہ علی14 جبکہ کپتان بسمہ معروف 62 رنز بنا کر ناقابل شکست رہیں۔
A real captain’s innings from the dependable @maroof_bismah 🤩
@TheRealPCB_Live
Watch Live ️ https://t.co/oeRT1m2sMp
#⃣ #PAKWvSLW | #BackOurGirls pic.twitter.com/mzfzNfse3E— Pakistan Cricket (@TheRealPCB) June 1, 2022
سری لنکا کی جانب سے اچینی کلاسوریا اور اوشادی راناسنگھ نے 1،1 وکٹ حاصل کی۔
پاکستان کی غلام فاطمہ کو 4 وکٹیں لینے پر مین آف دی میچ کا ایوارڈ دیا گیا۔
Ghulam Fatima is the Player of the Match for her special performance #PAKWvSLW | #BackOurGirls pic.twitter.com/tT1zL9iEav
— Pakistan Cricket (@TheRealPCB) June 1, 2022
واضح رہےکہ دونوں ٹیموں کے درمیان سیریز کا دوسرا میچ 3 جون کو کھیلا جائے گا۔