اہم خبریںشوبز/کھیل

سکسٹی کے نام سے نئی طرز کی ٹی ٹین کرکٹ متعارف

By admin
30
Print Friendly, PDF & Email

وقت گزرنے کے ساتھ ساتھ دیگر چیزوں کی طرح کرکٹ میں بھی تیزی سے جارحانہ جدت آتی جارہی ہے۔

ایک وقت تھا جب ٹیسٹ میچ 6 دن اور ون ڈے میچ 60 اوورز پر مشتمل ہوتا تھا، پہلے اس میں کمی آئی اور ٹیسٹ میچ 5 دن جبکہ ون ڈے میچ 50 اوورز تک محدود ہوگیا۔

اس کے بعد  فروری 2005 میں پہلی مرتبہ بین الاقوامی ٹی ٹوئنٹی میچ کھیلا  گیا اور اب کرکٹ ٹی ٹین فارمیٹ تک پہنچ چکی ہے تاہم اس فارمیٹ کو ابھی تک بین الاقوامی سطح پر نہیں اپنایا گیا۔

اب ویسٹ انڈیز میں ٹی ٹین کرکٹ کو ’سکسٹی‘ کے نام سے ایک نئی طرز کے ساتھ متعارف کروایا جارہا ہے۔

یہ ٹورنامنٹ 24 سے 28 اگست تک سینٹ کٹس میں کھیلا جائے گا جس میں ہر ٹیم دس کے بجائے 6 وکٹس تک محدود ہوگی۔

ابتدائی دو اوورز پاور پلے ہوں گے اور اگر بیٹنگ ٹیم ان دو اوورز میں 2 چھکے لگا لیتی ہے تو وہ 3 سے 9 اوورز کے درمیان اپنی مرضی سے ایک اور اوور پاور پلے کے طور پہ استعمال کرسکے گی۔

پہلے 5 اوورز ایک سائیڈ سے کیے جائیں گے اس کے بعد اگلے 5 اوورز دوسری سائیڈ سےکیے جائیں گے، ہر اوور کے بعد سائیڈ نہیں بدلی جائے گی۔

اگر فیلڈنگ ٹیم مقررہ 45 منٹ میں اپنے 10 اوورز کروانے میں ناکام رہتی ہے تو آخری 6 گیندوں کے لیے اسے ایک فیلڈر سے محروم ہونا پڑے گا۔

اس کا ایک دلچسپ فیچر ’مسٹری فری ہٹ ‘ ہے جس کے لیے شائقین ایپ کے ذریعے ووٹ دے سکیں گے۔

شاید آپ یہ بھی پسند کریں مصنف سے زیادہ
جواب چھوڑیں

آپ کا ای میل ایڈریس شائع نہیں کیا جائے گا.

@media print { body { color: inherit; /* Ensures that the color is maintained */ } }