اہم خبریںشوبز/کھیل

افغانستان میں زلزلہ، کرکٹر راشد خان کی امداد کیلئے مدد کی اپیل

By admin
53
Print Friendly, PDF & Email

افغانستان کے اسٹار کرکٹر راشد خان زلزلے کا شکار ہونے والے اپنے ہم وطنوں کی مدد کے لیے فنڈ کی اپیل کی ہے۔

راشد خان نے سماجی رابطے کی ویب سائٹ ٹوئٹر پر جاری پیغام میں افغانستان میں ہونے والے نقصان پر افسوس کا اظہار کیا اور اس مشکل وقت میں اپنے لوگوں کا ساتھ دینے کا یقین دلاتے ہوئے لکھا کہ میری دعائیں پکتیکا اور خوست صوبوں میں حالیہ زلزلے سے متاثرہ لوگوں کے ساتھ ہیں۔

Advertisement

خیال رہے کہ راشد خان نے فنڈ ریزنگ شروع کردی ہے اور دنیا بھر کے ساتھی کرکٹرز کو سپورٹ کے لیے کہا ہے۔

واضح رہے کہ گزشتہ روز افغانستان میں زلزلہ کا زیادہ نقصان پکتیکا صوبے میں سب سے زیادہ ہوا جہاں کم از کم ایک ہزار افراد مارے گئے۔

 پکتیکا صوبے میں محکمہ اطلاعات اور ثقافت کے سربراہ محمد امین حذیفہ نے صحافیوں کو بتایا کہ بڑی تعداد میں جاں بحق ہوئے افراد کی تدفین کا سلسلہ جاری ہے، زخمیوں کی تعداد ڈیڑھ ہزار سے زائد ہے جن میں سے اکثر کی حالت نازک ہے، لوگ تاحال ملبے تلے دبے ہوئے ہیں۔

بدھ کو آنے والے تباہ کن زلزلے میں جاں بحق افراد کی تعداد بتدریج بڑھتی رہی کیونکہ دور دراز پہاڑی علاقوں تک رسائی کافی مشکل تھی۔ طالبان کے سپریم لیڈر ملا ہیبت اللہ اخوندزادہ نے خبردار کیا تھا کہ یہ تعداد مزید بڑھ سکتی ہے۔

ہمسایہ ملک پاکستان نے افغانستان کے زلزلہ متاثرین کے لیے امداد روانہ کی ہے، پاکستان کے این ڈی ایم اے نے ایک بیان میں کہا ہے کہ انہوں نے سات ٹرکوں میں خیمے، کمبل اور ادویات روانہ کی ہیں۔

 ایران اور بھارت نے بھی افغانستان کے زلزلہ متاثرین کے لیے امداد بھیجنے کے اعلانات کیے ہیں۔

یاد رہے کہ افغانستان میں منگل اور بدھ کی درمیانی شب آنے والے زلزلے کی شدت 6.1 تھی، زلزلے کے جھٹکے پاکستان میں بھی محسوس کیے گئے تھے۔

شاید آپ یہ بھی پسند کریں مصنف سے زیادہ
جواب چھوڑیں

آپ کا ای میل ایڈریس شائع نہیں کیا جائے گا.

@media print { body { color: inherit; /* Ensures that the color is maintained */ } }