بھارت کے اقتصادی مرکز ممبئی میں ایک خستہ حال رہائشی عمارت گر گئی جس کے نتیجے میں کم از کم 3 افراد ہلاک اور 11 دیگر زخمی ہو گئے۔
بھارتی میڈیا رپورٹ کے مطابق ممبئی کے علاقے کریلا میں پیر کی رات 4 منزلہ عمارت گر گئی جس میں 3 افراد ہلاک اور 11 افراد زخمی ہوگئے جب کہ متعدد افراد اب بھی ملبے تلے دبے ہیں جنہیں تاحال نکالنے کی کوششں جاری ہے۔
بھارتی میڈیا کا کہنا ہے کہ ریسکیو ٹیم کے اہلکاروں نے ابتدائی امدادی کارروائی شروع کردی ہے، ملبے میں دبے لوگوں کو نکالنے کی کوشش جاری ہے۔
یہ بھی پڑھیں: کولمبیا، بل فائٹنگ کے دوران اسٹینڈ گرنے سے 4 افراد ہلاک، 300 سے زائد زخمی
کریلا کے وزیر ماحولیات نے اس حوالے سے کہا کہ متاثرہ رہائشیوں کو کچھ عرصہ قبل خستہ حال عمارت کو خالی کرنے کے لیے کہا گیا تھا لیکن وہ وہیں رہنے لگے۔
Advertisement
واضح رہے کہ بھارت میں جون اور ستمبر کے مون سون کے موسم میں عمارتیں گرنے کے واقعات عام ہیں شدید بارش کے باعث ناقص عمارتوں کی بنیاد کمزور ہوجاتی ہیں جس کے بعد ایسے واقعات پیس آتے ہیں۔
یاد رہے کہ اس سے قبل بھی بھارت کے شہرممبئی کے علاقے نوپاڑہ میں 50 سال پرانی خستہ حالت 3 منزلہ عمارت گرگئی تھی جس کے نتیجے میں 11 افراد ہلاک ہو گئے تھے۔