نے روس پر الزام عائد کیا ہے کہ روس نے کریمیا کی طرز پر یوکرین کے مزید حصے پر قبضہ کرنے کا منصوبہ تیار کرلیا ہے۔
غیر ملکی خبر رساں ادارے کی ایک رپورٹ کے مطابق امریکا کی قومی سلامتی کونسل کے ترجمان جان کربی نے انٹیلی جنس ایجنسی کی رپورٹ کا حوالہ دیتے ہوئے بتایا کہ روس یوکرین کے مزید حصے کو اپنے ساتھ ملانے کے لیے اپنا ہوم ورک مکمل کر چکا ہے۔روس کی جانب سے یوکرین کے قبضہ شدہ علاقے کو ساتھ ملانے کے لیے رواں برس ستمبر تک ریفرنڈم کرایا جا سکتا ہے۔
یاد رہے، روس نے 2014 میں ایک ریفرنڈم کے بعد کریمیا کو بھی اپنے ساتھ شامل کرلیا تھا۔
امریکی قومی سلامتی کونسل کے ترجمان کا کہنا ہے کہ ہم یہ واضح کر دینا چاہتے ہیں کہ کوئی بھی بے وقوف نہیں ہے، روسی صدر 2014 کے طریقہ کار کو دوبارہ اپنانا چاہتے ہیں۔ ہم روس کے منصوبے کو بے نقاب کر رہے ہیں تاکہ دنیا جان سکے کہ یوکرین کے مزید حصے پر ماسکو کے قبضے کا غیر قانونی منصوبہ پہلے سے طے شدہ ہے۔
جان کربی نے الزام عائد کیا کہ روس نے یوکرین کے مزید حصے پر قبضے کے منصوبے کو عملی جامہ پہنانے کے لیے اپنے حمایت یافتہ حکام کو کیف میں تعینات کر دیا ہے۔
Advertisement
ان کا مزید کہنا تھا ہم وعدہ کرتے ہیں کہ ایسا ہونے کی صورت میں امریکا اور اس کے اتحادیوں کی جانب سے فوری ردعمل دیا جائے گا۔