برطانوی حکومت کا ملکہ الزبتھ کے انتقال پر 10 روزہ سوگ کا اعلان
ملکہ الزبتھ دوئم 96 برس کی عمر میں انتقال کرگئی ہیں جس پر برطانوی حکومت نے 10 روزہ سوگ کا اعلان کیا ہے۔
برطانوی میڈیا کے مطابق شاہی محل بکنگھم پیلس نے ملکہ برطانیہ کے انتقال کا اعلان کیا ہے۔
برطانوی میڈیا کا کہنا ہے کہ ملکہ الزبتھ دوئم کے انتقال پر یونین جیک سرنگوں رہے گا، ملکہ الزبتھ دوئم کی آخری رسومات 10 روز بعد ویسٹ منسٹر ایبے پر ادا کی جائیں گی۔
برطانوی میڈیا کے مطابق ملکہ الزبتھ دوئم کی تدفین لندن برج آپریشن کے منصوبے کے تحت سر انجام پائے گی جب کہ تابوت کو شاہی ٹرین پرسینٹ پینکراس ریلوے اسٹیشن لندن منتقل کیا جائے گے۔
واضح رہے کہ ملکہ الزبتھ کے انتقال کے بعد ان کے بیٹے شہزادہ چارلس برطانیہ کے نئے بادشاہ ہوں گے۔
Advertisement