پاکستان کرکٹ ٹیم کے سابق کپتان اور مایہ ناز آل راؤنڈر شعیب ملک ٹی ٹوئنٹی ورلڈکپ 2009 کے خوشی بھرے لمحات کو یاد کر کے لائیو شو می آبدیدہ ہوگئے۔
شعیب ملک کی کچھ تصاویر سوشل میڈیا پر وائرل ہوئیں جس میں انہیں روتے ہوئے دیکھاجاسکتا ہے۔
شعیب ملک نے لائیو شو میں 2009 کے ٹی ٹوئنٹی ورلڈکپ کو یاد کرتے ہوئے بتایا کہ اس وقت کے کپتان اور لیجینڈری بلے باز یونس خان نے انہیں اشارہ کیا اور کہا کہ ’شعیب‘ اس ٹرافی کو تم اٹھاؤ۔
شعیب ملک نے کہا کہ وہ لمحہ میری زندگی کا سب سے خاص اور خوبصورت لمحہ تھا۔
Advertisement
واضح رہے کہ پاکستان نے اب تک ایک ہی ٹی ٹوئنٹی ورلڈکپ جیتا ہے، لیکن شاہینوں کے پاس اس ٹرافی کو پھر سے اٹھانے کے لیے ایک اور موقع ہے۔
آج پاکستان اور انگلینڈ کے درمیان ٹی ٹوئنٹی ورلڈکپ کا فائنل معرکہ پاکستانی وقت کے مطابق 1 بجے کھیلا جائے گا جو ٹیم جیتے گی ورلڈکپ کا سہرا اسی کے سر سجے گا۔
پاکستان ٹیم کی قیادت بابر اعظم جبکہ انگلینڈ کی قیادت جوز بٹلر کریں گے۔
Advertisement