ابوظہبی (اردوویکلی)::وزارت صحت و تحفظ یواے ای کے مطابق ملک میں گزشتہ 24 گھنٹوں کے دوران کوویڈ 19 کے مزید 1 لاکھ 2 ہزار 379 ٹیسٹ کیئے گئے وزارت کی جانب سے جاری بیان کے مطابق اضافی ٹیسٹس کے اس عمل کے نتیجے میں وائرس کے نئے 1061 مریضوں کی تشخیص ہوئی ، اس سے ملک میں وائرس کے مجموعی متاثرین کی تعداد ایک لاکھ 794 ہوگئی ۔ وزارت نے بتایا ہے کہ کوویڈ 19 کے زیرعلاج مریضوں میں سے مزید 6 مریض طبی پیچیدگی کی وجہ سے وفات پاگئے جس سے اس وباء کی وجہ سے کل اموات کی تعداد 435 ہوگئی ہے – وزارت نے مرنے والے کے لواحقین سے دلی تعزیت کا اظہار کرتے ہوئے زیر علاج مریضوں کی جلد صحتیابی کیلئے نیک خواہشات کا اظہار بھی کیا ہے ۔ وزارت نے معاشرے کے ارکان کو مسلسل تعاون اور سماجی فاصلہ رکھنے سمیت دیگر احتیاطی و حفاظتی اقدامات کی تلقین کی ہے – وزارت نے بتایا ہے کہ اس وباء کے زیر علاج مریضوں میں سے مزید 1146 مکمل صحتیاب ہوگئے ہیں جس سے ملک میں مجموعی طور پر صحتیاب ہونے والے ایسے افراد کی تعداد بڑھ کر 90 ہزار 556 ہوگئی ہے