دبئی، 45روزہ چنار اسپورٹس فیسٹیول کا اختتام ۔

17
Print Friendly, PDF & Email

دبئی، 45روزہ چنار اسپورٹس فیسٹیول کا اختتام ۔

چنار سپر لیگ کے چھٹے ایڈیشن کے فائنل میچ میں افضال بسیراکرکٹ ٹیم نے راجگان کرکٹ کلب کوشکست دیکرجیت کاٹائٹل اپنے نام کرلیا

سابق وزیراعظم آزداجموں وکشمیر راجہ فاروق حیدر کی بطور مہمان خصوصی شرکت ۔

چنارسپرلیگ کے فاتحین میں انعامات تقسیم کیئے۔

 ۔ 45۔ روزہ چنار اسپورٹس فیسٹیول بڑی کامیابی سے ہمکنار ہوا۔

یو اے ای میں مقیم کشمیری کمیونٹی نے سالانہ ایونٹ کے انعقاد میں بڑھ چڑھ کرحصہ کیا۔۔

 دبئی(نیوزڈیسک)::متحدہ عرب امارات میں رہنے والی منقسم کشمیری برادری کا45  روزہ چنار سپورٹس فیسٹیول، چنار سپر لیگ سیزن 6 کے فائنل کے ساتھ اختتام پذیر ہو گیا۔۔  متحدہ عرب امارات کے سرد ماحول میں کھیل کے گرما گرم کانٹے دار مقابلےہوئے ، سابق وزیراعظم آزادجموں و کشمیر راجہ فاروق حیدر بطورنے مہمان خصوصی شرکت کی،چنار فیسٹول کے آخری دن چنار سپر لیگ کا فائنل کرکٹ میچ کھیلا گیا،  کشمیری برادی کا کرکٹ ٹورنامنٹ چنار سپر لیگ کا چھٹا ایڈیشن ٹیم افضال بسیرا کرکٹ ٹیم کے نام رہا، فائنل میں افضال بسیرا نے راجگان کرکٹ کلب کو شکست دیدی افضال بسیرا نے پہلے کھیلتے ہوئے 6 اوور میں 98 رنز سکور کئے جبکہ راجگان سی سی صرف 72 رنز ہی بنانے میں کامیاب ہو سکی ۔افضال بسیرا نے 26 رنز سے میچ جیت کر فائنل کاٹائٹل اپنے نام کرلیا، چنار سپر لیگ کی فاتح ٹیم افضال البسیرا کے پروپرائٹر محمد خالد اور افضال احمد نے فاتح ٹرافی سابق وزیراعظم آزادکشمیر راجہ فاروق حیدر خان کے ہاتھوں وصول کی جبکہ رنر اپ ٹیم راجگان کرکٹ کلب کے روح رواں نے بھی ٹرافی وصول کی۔ سرمد حمید فائنل کے مین آف دی میچ اورٹورنامنٹ کے بہترین بلے باز بھی قرار پائے افضال البسیرا باؤلنگ کی ٹیم کے بالر صدف نے 2اوورز میں 34رنز دیکر ایک وکٹ حاصل کی جبکہ وسیم اکرم نے 20 رنز دئیے اور کسی بھی کھلاڑی کو آؤٹ نہیں کیا ،شہباز علی نے 13رنز دیکر ایک وکٹ جبکہ، عمر گجر نے 2رنز دیکر کر ایک وکٹ حاصل کی۔، عمر گجر پلئیر آف دی ٹورنامنٹ اور ٹورنامنٹ کے بہترین بالر قرار پائے۔تقریباً5 ہزارکشمیری کرکٹ شائقین نے چنار سپر لیگ کا فائنل دیکھا،شدید سردی نے کشمیری شائقین کرکٹ کا جذبہ ٹھنڈا نہ کیا، چنار سپر لیگ میں منقسم کشمیریوں کا انمول میلاپ ، چنار سپر لیگ زندہ باد کے نعروں کی گونج ،کشمیری رہنماؤں بالخصوص راجہ فاروق حیدر ، فیصل راٹھور،سردار جاوید یعقوب،مبشراعجاز ،حسن ابراہیم نے چنار اسپورٹ فیسٹول انتظامیہ کو خراج تحسین پیش کیا اس موقع پر راجہ فاروق حیدر نےاختتامی تقریب سے خطاب کرتے ہوئے کہا کہ مظفر آباد کی سرد ہواؤں کی یاد متحدہ عرب امارات میں تازہ ہوگئی ،آج کامیچ دیکھ کرمجھے اپنی کھیلی گئی کرکٹ یاد آگئی ،مظفرآباد میں  بطور کپتان کرکٹ ٹورنامنٹ جیت چکا ہوں،سابق وزیراعظم آزادکشمیر راجہ فاروق حیدر خان نے کہا کہ منقسم کشمیری مل کر کرکٹ کھیلیں تو تناؤ کی صورتحال ختم ہوسکتی ہے۔ انھوں نے کہا کہ ان کا خواب ہے کہ سری نگر مظفرآباد کی کرکٹ ٹیموں کا میچ منعقد ہو۔
انھوں نے چنار اسپورٹس فیسٹول کی انتظامیہ کو سراہا اور کہا کہ کرکٹ سے دوستی کے رشتے استوار کئے جاسکتے ہیں اور موسمیاتی تبدیلیوں سے نمٹنے کا رستہ چنار اسپورٹس فیسٹول نے دیا ہے اس پر عمل پیرا ہو کر نہ صرف خطہ کشمیر بلکہ عالمی موسمی تبدیلیوں سے بھی نبردآزما ہوا جاسکتا ہے۔۔
چیئرمین چنار اسپورٹس فیسٹول راجہ اسد خالد نے کہا کہ چنار اسپورٹس فیسٹول میں کشمیری برادری نے سری نگر سے مظفرآباد تک چنار کے درخت لگا کر اپنا وعدہ پورا کردیا، اس کے علاوہ دبئی میں بھی درخت لگا کر ماحول دوستی کا ثبوت دیا اور کشمیری برادری میں موحولیاتی تغیرات سے آگہی پیدا کی ہے۔ راجہ اسد خالد نے تمنا کا اظہار کیا کہ کشمیری برادری اقوام عالم کے ماحولیاتی مشن سے مکمل اظہار یکجہتی کرتے ہوئے، اپنے وعدے کو وفا کرکے کے دیکھایا ہے مگر اب بین الاقوامی دنیا منقسم کشمیریوں سے کئے گئے وعدے پورے کرے، منقسم کشمریوں کے بلا خوف و خطر میل میلاپ کا رستہ ہموار کرائے۔ انھوں نے کہا کہ ہمارا مشن دوستی میل ملاپ ہے۔
صدر پاک چنار ونگ امجد کبیرنے کہا کہ چنار سپر لیگ کشمیریوں کو ملانے کا واحد راستہ ہے انھوں نے تمام میڈیا ،سپانسرز، شائقین کرکٹ اور تمام ٹیموں کا شکریہ ادا کیا چنار سپر لیگ نے میں اسپانسر سردار ساجد اقبال عباسی ، سردار ایاز خان، راجہ محمد خان نے خطاب کرتے ہوئے چنار سپر لیگ انتظامیہ کو مبارکباد دی اور آئندہ بھی بھرپور ساتھ دینے کا عزم کیا
واضح رہے کہ چنار سپر لیگ کا آفیشل سونگ ”چناروں کے دیس سے اٹھی آواز ہے” روزنامہ جموں وکشمیر کے ایڈیٹر شہزاد راٹھور نے لکھا اور اس کی دھن ترتیب دی جبکہ سنگر خرم بٹ کی آوازمیں اس گانے نے پاکستان اور دبئی میں خوب دھوم مچائی۔
چنار سپورٹس فیسٹیول کے انعقاد میں چنار سپر لیگ کی انتظامیہ نے اہم کردار ادا کیا انتظامیہ چنار سپر لیگ میں چئیرمین راجہ اسد خالد، صدر پاک چنار ونگ امجد کبیر، ڈائریکٹر سپورٹس نقاش ریاض، عمران علی جان ، اسد پرویز ، ندیم حنیف ,ندیم عبداللہ، فیاض منہاس ناصر افتخار ، راجہ شجاعت صابر ، سجاد راجہ ، وسیم راجہ ، بابر خالد ،بلال ذوالفقار، احسن افضل، نعمان خورشید، محسن چغتائ، خرم شاہ ، خالد زمان ، سمیت دیگر شامل ہیں۔

جواب چھوڑیں

آپ کا ای میل ایڈریس شائع نہیں کیا جائے گا.