بھارت کے سابق کپتان اور کمنٹیٹر روی شاستری نے کہا ہے کہ بین الاقوامی ٹی ٹوئنٹی صرف ورلڈ کپ تک محدود کی جائے اور لیگ کرکٹ کو فروغ دیں۔
بھارتی میڈیا کی رپورٹ کے مطابق سابق کھلاڑی روی شاستری نے کہا کہ ٹی ٹوئنٹی کرکٹ صرف آئی پی ایل جیسی فرنچائز پر مبنی لیگز میں ہونی چاہیئے۔
بھارتی ٹیم کے سابق ہیڈ کوچ روی شاستری نے مشورہ دیا ہے کہ انڈین پریمیئر لیگ جیسے فرنچائز ٹورنامنٹس کے لیے ایک بڑی ونڈو بنانے کے لیے ہر دو سال بعد ورلڈ کپ تک محدود ترین فارمیٹ میں بین الاقوامی میچوں کو ختم کیا جائے.
روی شاستری کے مطابق دو ممالک کے درمیان ہونے والی دو طرفہ ٹی ٹوئنٹی سیریز ختم کی جائے۔
روی شاستری، جو 2021 کے ٹی ٹوئنٹی ورلڈ کپ کے لیے ہندوستان کے کوچ تھے، نے دعویٰ کیا کہ دو طرفہ ٹورنامنٹ کسی کو یاد نہیں۔
شاستری نے مشورہ دیا کہ کرکٹ کو فٹ بال کے راستے پر گامزن کیا جائے، جہاں کلب مقابلے زیادہ ہوتے ہیں اور بین الاقوامی میچز بڑے پیمانے پر ورلڈ کپ جیسے بڑے ٹورنامنٹس میں کھیلے جاتے ہیں۔
Advertisement
انہوں نے یہاں تک کہا کہ مستقبل میں ایک سال میں آئی پی ایل کے دو سیزن ہو سکتے ہیں۔
روی شاستری نے مزید کہا کہ ٹی ٹوئنٹی ورلڈ کپ کے علاوہ کسی کو بھی دو طرفہ ٹی ٹوئنٹی میچز کی سیریز یاد نہیں رہتی۔
بھارتی کرکٹ ٹیم کے سابق ہیڈ کوچ نے کہا کہ آئی پی ایل میں 70 میچز ہوتے ہیں، سال میں دو مرتبہ یہ ایونٹ ہو سکتا ہے۔
واضح رہے کہ ان کا یہ بیان آئی سی سی کے چئیرمین کے بیان کے بعد سامنے آیا جب انہوں نے آئی پی ایل کے فائنل میں اس ایونٹ کی طوالت پر اعتراض کیا تھا۔