چیٸرمین پی سی بی رمیز راجا نے کہا ہے کہ موجودہ کرکٹ ٹیم نے کرکٹ فینز میں جذبہ جگایا ہے۔
کراچی میں چیٸرمین پی سی بی رمیز راجا نے پریس کانفرنس میں کہا کہ بہت جلد پاکستان جونیئر لیگ شروع کرنے جارہے ہیں، ساتھ انکا یہ بھی کہنا تھا کہ ملک بھر سے نوجوانوں کو اکھٹا کیا جارہا ہے۔
رمیز راجا کا کہنا تھا کہ پاکستان جونیئرلیگ کیلئے شاہد آفریدی، شعیب ملک، ڈیرن سیمی آئیکون پلیئر ہوں گے، جبکہ سابق کپتان جاوید میانداد کو بھی جونیئر لیگ میں شامل کیا گیا ہے۔
انہوں نے کہا کہ جونیئر لیگ میں ناں صرف ایک اچھا کرکٹر ملےگا بلکہ ہماری کوشش ہے کہ کرکٹ اسٹار بنانے کے ساتھ لوگوں کی زندگیا بدل دیں۔
چیئرمین پی سی بی رمیز راجا نے کہا کہ یہ ہمارے لیے کرکٹ کا بمپر سیزن ہے، انگلینڈ اور نیوزی لینڈ کی ٹیمیں پاکستان آرہی ہیں۔
Advertisement
انہوں نے کہا کہ گزشتہ 30 سال میں اتنا مصروف اور ٹف سیزن نہیں آیا جیتنا اس بار آیا ہے، ایشیا کپ، ورلڈ کپ بھی اسی سیزن میں شامل ہے۔
انکا کہنا تھا کہ کرکٹ کے فینز اب پاکستان ٹیم کو اون کررہے ہیں، موجودہ کرکٹ ٹیم نے کرکٹ فینز میں جذبہ جگایا ہے، ہماری ٹیم اب اگر ہارتی ہے تو لڑ کر ہارتی ہے اور ہم بھی اپنی ٹیم سے ایسی کرکٹ کی امید کرتے تھے۔
زمیز راجہ کا کہنا تھا کہ ہم کسی بھی معاملے پربات نہ کریں تو مسئلہ بات کریں تو مسئلہ ہمیں کسی چیز کی نہیں بس کرکٹ انفراسٹرکچر بہتر کرنے کی ضرورت ہے۔
انہوں نے کہا کہ ہماری کوشش ہے کہ کرکٹ اسٹار کے ساتھ لوگوں کی زندگیا بدل دیں، میں اپنی مدت ختم ہونے سے پہلے ایسا کام کرتا چاہتا ہوں کہ جس سے مجھے لوگ یاد رکھیں۔
چیٸرمین پی سی بی نے کہا کہ ٹیم کی پرفارمنس اور پچز بہتر پر بہت توجہ دی ہے، پاکستان کے گرائونڈ کی پچز کو اور بہتر کرنے کی ضرورت ہے۔
پریس کانفرنس میں انکا کہنا تھا کہ بہت سارے پروجیکٹس ابھی پاٸپ لاٸن میں ہیں، کافی پروجیکٹس مستقبل میں ہونے ہیں، اسٹیڈیم میں سیٹس لگانی ہے، فینز کو اچھا ویو دینا ہے۔
انکا کہنا تھا کہ فینز پاکستانی ٹیم سے توقع رکھتے ہیں، یہ گیم کرکٹرز کی وجہ سے ہے، ہمیں کرکٹرزکو عزت دینی ہے۔