بھارت نے آئرلینڈ کو ٹی ٹوئنٹی سیریز کے دوسرے میچ میں سنسنی خیز مقابلے کے بعد 4 رنز سے شکست دے کر سیریز میں کلین سویپ کر دیا ہے۔
تفصیلات کے مطابق ڈبلن میں کھیلے گئے اس میچ میں بھارت نے ٹاس جیت کر پہلے بیٹنگ کا فیصلہ کیا۔
بھارت نے پہلے کھیلتے ہوئے مقررہ 20 اوورز میں 7 وکٹوں کے نقصان پر 225 رنز بنائے،ڈیپک ہوڈا نے 57 گیندوں پر 104 رنز کی جارحانہ اننگ کھیلی،سنجو سیمسن 77،سوریا کماریادو15 جبکہ کپتان ہاردک پانڈیا نے 13 رنز بنائے۔
آئرلینڈ کی جانب سے مارک اڈیر نے 3 کھلاڑیوں کو آؤٹ کیا جبکہ جوش لٹل اور کریگ ینگ نے 2،2 وکٹیں حاصل کیں۔
ہدف کے تعاقب میں آئرلینڈ کی ٹیم مقررہ 20 اوورز میں 5 وکٹوں کے نقصان پر 221 رنز بناسکی۔
Advertisement
آئرلینڈ کی جانب سے کپتان اینڈی بلبرائن60 رنز بناکر نمایاں بلے باز رہے،پال اسٹرلنگ 40،ہیری ٹیکٹر 9 جبکہ جیورج ڈوکریل34 رنز بنا کر ناقابل شکست رہے۔
بھارت کی جانب سے بھونیشور کمار،ہرشل پٹیل،روی بشونی اور عمران ملک نے 1،1 وکٹ حاصل کی۔
بھارت کے ڈیپک ہوڈا کو مین آف دی میچ اور مین آف دی سیریز کا ایوارڈ دیا گیا۔
2⃣ Matches
1⃣5⃣1⃣ Runs@HoodaOnFire put on a stunning show with the bat & bagged the Player of the Series award as #TeamIndia completed a cleansweep in the 2-match T20I series against Ireland. #IREvIND pic.twitter.com/UuBKCx1HNj— BCCI (@BCCI) June 28, 2022