انٹرنیشنلاہم خبریں

طالبان ملا عمر کی زیر زمین چھپائی گئی گاڑی منظر عام پر لے آئے

By admin
94
Print Friendly, PDF & Email

طالبان حکومت زیر زمین چھپائی گئی ملا عمر کی گاڑی منظر عام پر لے آئی۔

سوشل میڈیا پر ٹوئٹ کے ذریعے طالبان حکومت کے اہم عہدیدار محمد جلال نے زیر زمین چھپائی گئی ملا عمر کی گاڑی کی تصاویر شیئر کیں۔

ٹوئٹر پر شیئر کردہ تصاویر میں دیکھا جاسکتا ہے کہ طالبان حکومت کے چند نمائندے زمین کھود کر ایک گاڑی کو نکالنے میں مصروف ہیں جب کہ تصاویر میں واضح طور پر دیکھا جاسکتا ہے کہ گاڑی زیر زمین اب تک محفوظ ہے۔

سوشل میڈیا پر اپ لوڈ کی گئی تصاویر میں دیکھا جاسکتا ہے کہ طالبان کے بانی ملا عمر کی گاڑی کو محفوظ رکھنے کے لیے اس پر پلاسٹک کور چڑھایا گیا ہے۔

محمد جلال کی جانب سے ٹوئٹر کے کیپشن میں لکھا گیا ’’ یہ گاڑی (ٹوئٹا ویگن) امارات اسلامی افغانستان کے بانی ملا محمد عمر کے زیر استعمال رہی ہے ، اسے زمین کھود کر نکال لیا گیا ہے اور اب اسے صاف کیا جائے گا‘‘۔

انہوں نے ٹوئٹ میں مزید لکھا کہ مرحوم امیر ملا محمد عمر مجاہد یہ ٹوئٹا ویگن امریکی حملے کی شروعات کے دوران قندہار سے زابل کے سفر کے لیے استعمال کیا کرتے تھے۔

طالبان رہنما نے ٹوئٹ میں یہ واضح نہیں کیا کہ یہ ویگن افغانستان میں کس مقام پر موجود ہے اور یہ کب چھپائی گئی تھی۔

شاید آپ یہ بھی پسند کریں مصنف سے زیادہ
جواب چھوڑیں

آپ کا ای میل ایڈریس شائع نہیں کیا جائے گا.

@media print { body { color: inherit; /* Ensures that the color is maintained */ } }