مساجد میں نماز جمعہ کے اجتماعات پر عائد پابندی ختم

ابوظہبی(اردوویکلی):: متحدہ عرب امارات کی مساجد میں نماز جمعہ کے اجتماعات پر عائد پابندی ختم۔ خلیجی خبر رساں ادارے خلیج ٹائمز کی شائع کردہ رپورٹ کے مطابق یواے ای حکومت نے  نماز جمعہ کے اجتماعات  پر عائد پابندی ختم کرنے کا فیصلہ کیا ہے۔ جس کے تحت تمام مساجد میں جمعہ 4 دسمبر سے نماز جمعہ کے اجتماعات کی اجازت ہوگی، تاہم ایس او پیز پر سختی سے عمل کرنا ہوگا۔فی الحال مساجد میں نماز جمعہ کے اجتماع کے دوران صرف 30 فیصد گنجائش کے مطابق نمازی شرکت کرسکیں گے مساجد خطبہ جمعہ سے 30 منٹ قبل کھولی جائیں گی اور پھر نماز کی ادائیگی کے 30 منٹ بعد بند کر دی جائیں گی مساجد کے غسل خانے اوروضو خانے بندرہیں گے۔ نمازیوں کو گھروں سے وضو کر کے آنا ہوگا۔ اس کے علاوہ نمازیوں کے لیئے فیس ماسک پہنناضروری ہوگااور جائے نماز گھر سے لانا ہوگا۔ عمررسیدہ اور مریضوں کو مسجد کا رخ نہ کرنے کی تلقین کی گئی ہے۔  نماز جمعہ کے اجتماعات پر عائد پابندی کے خاتمے کی خبر سننے کے بعد متحدہ عرب مارات میں مقیم لاکھوں مسلمانوں میں خوشی کی لہر دوڑ گئی ہے