کسی بھی تنظیم میں ڈسپلن اور عہدوں کا توازن بہت ضروری ہے(میاں طارق جاوید)۔
صدرپی اوسی ام القوین جمیل خان اورکزئی کاچئیرمین میاں طارق جاوید کے اعزازمیں عشائیہ
عہدیداران وممبران کی بڑی تعدادمیں شرکت
انجنئیر محمد جاوید چئیرمین کور کمیٹی مقرر
ام القوین(اردوویکلی):: صدرپی او سی ام القوین ناصر جمیل خان اورکزئی کی جانب سے چئیرمین پی اوسی میاں طارق جاوید کے اعزاز میں عشائیہ تقریب کااہتمام کیاگیا تقریب میں صدر پی او سی یواے ای عاصم شہزاد، جنرل سیکرٹری پی او سی رانا انیس اور سنٹرل ایگزیکٹو کمیٹی کے دیگر ممبران نے بھی شرکت کی۔عشائیہ تقریب کے اختتام پرچئیرمین پاکستان اوورسیز کمیونٹی گلوبل میاں طارق جاوید نےسینٹرل ایگزیکٹو کمیٹی ممبران کے ساتھ تنظیمی معاملات کے حوالے سے ایک میٹنگ کی صدارت کی اور پی او سی میں چندمعاملات پر اصلاحات کرتے ہوئے کور کمیٹی کا قیام عمل میں لایا گیاممبران کی کثرت رائے سے انجنئیر محمد جاوید کو چئیرمین کور کمیٹی مقررکیا گیا۔ تنظیمی معاملات کی ذمہ داری جنرل سیکرٹری رانا انیس کو سونپی گئی۔ تنظیمی میٹنگ سے چئیرمین میاں طارق جاویدنے اظہارخیال کرتے ہوئے کہا کہ کسی بھی تنظیم میں ڈسپلن اور عہدوں کا توازن بہت ضروری ہوتا ہے تا کہ تنظیمی معاملات خوش اسلوبی سے طے پائیں اور کسی قسم کا ابہام نہ رہے۔ پی او سی میں ہر ممبر کو عزت اور احترام دینا ہماری تنظیم کا ایک بنیادی اصول ہے، اور ان قواعد و ضوابط کی پاسداری کرنا ہر ممبر پر لازم ہے۔میاں طارق نے کہا کہ ان کا حالیہ دورہ امارات بہت کامیاب رہاجس پرمیں تمام ممبران کاشکریہ اداکرتاہوں آج کے بعدمتحدہ عرب امارات میں جوفنکشن بھی ہو گااسکے انتظامی امورکی ذمہ داری جنرل سیکریٹری صاحب کی ہوگی تمام قسم کی انفارمیشن انفارمیشن معاملات کی ذمہ داری سیکریٹری اطلاعات کے ذمہ ہوگی جبکہ فنانشل معاملات کی تمام ترذمہ داری فنانس سیکریٹری یو اے ای ندیم پراچہ سرانجام دیں گےصاحب فنانس معاملات سر انجام دیں گے تمام تنظیمی میں صدر پی او سی کی مشاورت لازمی ہے۔
