ایروز گروپ کے ملازمین نے دبئی فٹنس چیلنج کے لیے 5 ملین قدم کا ہدف رکھا ہے۔
دبئی(اردوویکلی):: ملٹی برانڈ ریٹیلرایروز گروپ کے ملازمین 30 منٹ میں روزانہ ایک صحت مند طرز زندگی کی طرف گامزن ہیں، دبئی فٹنس چیلنج کے لیے 5 ملین قدموں کے اپنے ہدف کے چند قدم قریب آ رہے ہیں۔ایروز گروپ کے فٹنس اقدام کے حصے کے طور پر 1,000 سے زیادہ ملازمین روزانہ تقریباً 800,000 قدم اٹھا رہے ہیں۔
ڈائریکٹرایروز گروپ محمدبدری نے کہا، "ہم صحت مند طرز زندگی کو اپنانے اور جسمانی، ذہنی اور سماجی بہبود کی اہمیت کو تسلیم کرنے کے لیے دبئی کے فٹنیس چیلنج میں شامل ہوئے ہیں۔ ہم اس فٹنس سفر کو ایک فرق لانے،بہترین شکل میں رہنے اور ملازمین کے کام اور زندگی کے توازن کو برقرار رکھنے اور اپنے تمام ملازمین کے لیے ایک مثبت ماحول بنانے کے لیے اپنا رہے ہیں۔
ملازمین کو اپنے فٹنس ٹارگٹ کو حاصل کرنے کے لیے متحرک رکھنے کے لیے، ایروز گروپ فٹنس چیلنج کے ہفتہ وار جیتنے والوں کو تحائف (پریمیم امیزفٹ سمارٹ واچز) اور واؤچرز بھی دے رہا ہے۔سالانہ دبئی فٹنس چیلنج 27 نومبر تک جاری رہیگااور یہ رہائشیوں اور سیاحوں کی حوصلہ افزائی کرتا ہے کہ وہ 30 دن تک روزانہ 30 منٹ کی سرگرمیاں کریں، جس کا مقصد دبئی کو دنیا کا سب سے فعال شہر بنانا ہے۔ اس اقدام کی قیادت دبئی کے ولی عہد عزت مآب جناب شیخ حمدان بن محمد بن راشد المکتوم کررہے ہیں، جنہوں نے 2017 میں دبئی فٹنس چیلنج کا آغاز کیا تھا۔
