![]()
زندہ قومیں اپنے قومی تہوارجوش وخروش سے مناتی ہیں۔
زندہ قومیں اپنے قومی تہوارجوش وخروش سے مناتی ہیں۔پاکستان کے 75ویں یوم آزادی پرپاکستان مسلم لیگ (ن) یواے ای کی جانب سے پروقارتقریب کااہتمام۔
یوم ازادی کی تقریب سے مقامی رہنماوں کاخطاب قوم کوآزادی کی مبارک اور وطن سے محبت کااظہار۔
دبئی(اردوویکلی):: پوری دنیا کی طرح دبئی میں بھی 14 اگست 2021کو پاکستان کے 75ویں یوم آزادی کی مناسبت سے مختلف تقاریب کااہتمام کیاگیا اسی طرح پاکستان مسلم لیگ ن یواے ای کی مرکزی قیادت چیئرمین محمد غوث قادری ، صدر مسلم لیگ ن یو اے ای غلام مصطفی معل اور سینیئر نائب صدر خواجہ عبدالوحید پال، مرکزی نائب صدر ملک شہزاد یونس،مرکزی نائب صدر فیصل الطاف، سینیئر نائب صدر چوھدری عبدالغفار، مرکزی انفارمیشن سیکرٹری راجہ ابوبکر آفندی کی قیادت میں یوم آزادی انتہائی جوش و خروش سے منایا گیا تقریب کی نظامت کے فرائض راجہ عابدنے انجام دیئے،جشن آزادی کی تقریب سےکے جنرل سیکرٹری اوورسیز انٹرنیشنل افیرزوممبر قومی اسمبلی چوہدری نورالحسن تنویر اور انٹرنیشنل افیرز کے صدر اسحاق ڈار نے ویڈیو لنک پر خصوصی خطاب کیا اس موقع پر 14 اگست کی مناسبت سے کیک کاٹا گیا مسلم لیگ ن یو اے ای کے مرکزی عہدیداروں، یو اے ای کی تمام ریاستوں کے صدور، جنرل سیکریٹریز،مسلم لیگ ن آزاد جموں کشمیر ‘گلف کے صدر سردار الطاف اور یو اے ای آزاد کشمیر کے صدر راجہ عبدالجبار سمیت عہدیداران،کارکنان اور پاکستان مسلم لیگ ن یوتھ ونگ یو اے ای کی پوری ٹیم نے بھرپور شرکت کی۔یوم آزادی کی رنگارنگ تقریب کاآغاز تلاوت قرآن پاک اور نعت رسول مقبول صلی اللہ علیہ وسلم سے کیا گیا تقریب سےراجہ ابوبکر آفندی، راجہ عبدالجبار، سردار الطاف، چوھدری عبدالغفار، چوھدری خالد بشیر ، خواجہ عبدالوحید پال ، محمد غوث قادری اور غلام مصطفی معل نے خطاب کیااور قیام پاکستان کے مقاصد،حصول پرتفصیلی روشنی ڈالی بعد ازاں پاکستان کی ترقی، خوشحالی اور سلامتی کی دعا کی گئی. شرکاء نے ملی نغمے گا کر جوش و جذبہ سے ماحول گرما دیا، منتظمین تقریب عبید تنولی، اویس قریشی، عامر بھٹی، رانا وھاب، نعیم خان، راجہ عابد اور ٹیم کو جشن آزادی کے پروگرام کوشاندار طریقے سے آرگنائزکرنے پر خراج تحسین پیش کیا گیا.تقریب کے اختتام پر تمام مہمانوں کی تواضع پاکستان کے روایتی کھانوں سے کی گئی۔
