بھارت میں کورونا وائرس کے باعث لاک ڈاؤن کے دوران سڑکوں پر پراسرار نوٹ نظر آنا شروع ہوگئے
نئی دہلی(نیٹ نیوز)لوگ ان نوٹوں کو چھونے سے گریز کر رہے ہیں اور خوف و ہراس کا شکار ہیں۔بھارتی ریاست کرناٹکاکے شہر رائچور میں پراسرار طور پر سڑک پر 500 کے نوٹ نظر آرہے ہیں ۔ پولیس نے اطلاع ملنے پر نوٹوں کو اپنے قبضے میں لے کر لوگوں سے پوچھ گچھ شروع کردی ہے ۔مقامی افراد کا کہنا ہے کہ نوٹوں پر کورونا وائرس ہوسکتا ہے اور کوئی جان بوجھ کر اسے پھیلانے کیلئے یہ عمل کر رہا ہے ، جس سے لوگ خوف و ہراس میں مبتلا ہیں۔